ఇలా ప్రయత్నించండి - విజయం మీదే

• మీరు శారీరకంగా అందంగా లేకపోతే దాన్ని మీ వ్యక్తిత్వంతో భర్తీ చేయండి.
• మీ చుట్టూవున్న విషాదంలోంచి బయటకు మెదట అడుగు మీరు వేయండి. తరువాత మిమ్మల్ని ఎంతమంది ఎన్ని విధాలుగా ప్రేమిస్తారో, చూడండి. మీరే మూర్తీభవించిన విషాదమైతే, మీ చుట్టూ మరికొన్ని విషాదాలు మనుష్యుల రూపం లో చేరతాయి.
• అపజయంవల్ల వెంటనే కలిగేది క్రుంగిపోవడం . అది - కోపం, నిస్సహాయత, అవమానం, నిర్వీర్యతగా పరావర్తనం చెందక ముందే దాన్ని "పట్టుదల" గా మార్చుకోండి.
  
• మీరేదో సాధించటానికి పుట్టారు. అదేమిటో ముందు కనుక్కోండి. దాన్ని సాధించడానికి ప్రయత్నాలు ప్రారంభించండి. దానికి మీలో ఉండే అంతర్గత శక్తుల సహాయం తీసుకోండి.
• మీ బాధల్ని చూసి మీరు బాధపడకండి. మీ మీద మీరు జలిపడకండి. పడ్డా, అది మొహంలో చూపించకండి.
  
• ప్రేమ గొప్పదే. కాని దానికోసం చనిపోవల్సినంత గోప్పదికాడు. ఈ ప్రపంచంలో ప్రేమకోసం చావకండి. దాన్ని పంచండి.
• మిమ్మల్ని ఎవరైనా ఇష్టపడకపోతే అది వారి సమస్య మీ సమస్య కాదు.
• ఇతరులు మీతో రోజుకి గంటో, రెండు గంటలో గడపొచ్చు. కాని మీతో మీరు ఇరవై నాలుగు గంటలు గడపాలి. కాబట్టి మీ కంపెనీ మీకు ఆహ్లాదకరంగా ఉండేలా చూసుకోండి.
  
• సలహాలు ఇతరులను ఇవ్వనివ్వండి. నిర్ణయాలు మీరు తీసుకోండి.
• మీరు 'సరైనది' అనుకున్న పని చేయండి. చాల మంది విమర్శిస్తారు. కొంతమంది మెచ్చుకుంటారు. కాని అ....తి కొద్దిమంది మాత్రమే "చేస్తారు".
• చేసేవాళ్ళు కొద్దిమందే ఉంటారు. చూసేవాళ్ళు చాలామంది ఉంటారు.
• ఇంకొకరి విషాదానికి మీరు పోస్ట్ మాన్ కాకండి.
• సినిమా గానీ, సిగరెట్ గానీ, రొమాన్స్ గానీ మీకు ఆనందం ఇవ్వలే తప్ప, మిమ్మల్ని ఆడించకూడదు.
• చివరగా - పదమూడు చెడ్డ సంఖ్య లాంటి మూర్ఖపు అభిప్రాయాలను వదిలి పెట్టండి. పిల్లి ఒక జంతువు. తుమ్ము ఒక అసంకల్పిత శారీరక ప్రక్రియ.

(మూలం : 'యండమూరి' - విజయం వైపు పయనం )